جعفری: به محرومیت جاسم کرار اعتراضی نداریم

جعفری درباره محرومیت 5 جلسه ای جاسم کرار از سوی کمیته انضباطی عنوان کرد: هنوز حکم به صورت رسمی به باشگاه ابلاغ نشده اما خود آقای شریفی روز بازی با پرسپولیس در تبریز حاضر و شاهد قضایا بود. در جلسه ای هم که من با کرار خدمت ایشان رفتیم مستندات خود را ارائه کردیم و به طور حتم رئیس کمیته انضباطی در صدور این رای دقت داشته و من هم به این رای معترض نیستم. دوست ندارم دیگر چنین رفتار غیر حرفه ای از سوی بازیکن تکرار شود. هیچ بازیکنی حق ندارد حتی اگر داور تصمی درستی نگرفته به وی معترض شود.

جعفری در ادامه در خصوص انتقاد به باشگاه تراکتورسازی بابت حمایت سمبلیک از جاسم کرار در حالی که کار او ناپسند بوده، گفت: من هنوز هم می گویم که این حمایت خودجوش بود. یکی از هواداران تراکتورسازی با من تماس گرفت و چنین پیشنهادی داد و من فقط این موضوع را به اطلاع کانون هواداران دادم و آنها خودشان هماهنگی های لازم را انجام دادند. باشگاه تنها کاری که کرد این بود که با حراست تربیت بدنی و یگان ویژه هماهنگی کرد تا بتوانند کنار زمین بیایند.
مدیرعامل تراکتورسازی تصریح کرد: هواداران تراکتورسازی هم می دانند که حرکت کرار مناسب نبوده و خودم هم بارها تاکید کرده ام که هواداران هم نباید احساسی شده و عصبانی شوند. این مسائل فقط به ضرر باشگاه تمام می شود.
وی در مورد برنامه تراکتورسازی در تعطیلات نیم فصل گفت: از روز گذشته تمرینات آغاز شده و از 15 دی تیم به امارات اعزام می شود.
جعفری در مورد خط خوردن مهدی کیانی از تیم ملی خاطر نشان کرد: با توجه به بازیکنانی که قطبی در این پست دعوت کرده بود خط خوردن مهدی کیانی قابل پیش بینی بود.

وضعیت مالی تراکتورسازی خوب نیست

محمد حسین جعفری در گفت و گو با خبرنگار ورزشی خبرگزاری فارس درباره شرایط مالی باشگاه تراکتورسازی اظهار داشت: وضعیت خوبی نداریم و من در حال پیگیری هستم که این مسئله را حل کنم. ما یک باشگاه خصوصی هستیم که نمی توانیم خیلی روی حمایت های مالی کارخانه حساب کنیم و بیشتر به دنبال کمک های علاقه مندان به باشگاه تراکتورسازی و ارگان هایی که قول حمایت داده اند هستیم. مطمئنم که این دوستان تراکتورسازی را تنها نمی گذارند.

شهرداری حمله ائله، تیراختور قول ووروب

شهرداری حمله ائله، تیراختور قول ووروب

Traxtorchi.ir-آیدین کسائی: گئچن جوما آخشامی بؤیوک بیر دیلئما(Dilemma) ایله قارشی دورموشدوق. بئله زامانلار آدام بیلمیر هانکی یانین هاواسین ساخلاسین. من اؤزوم ایلک دؤنه بیر حرفه‌ای یاریشا(مسابقه‌یه) گئدیب تشویق ائله‌مه‌ییم 76نجی ایل‌ده کی بلدیه‌(شهرداری) ایچین اولموشدور. تکجه اوچ نفر ایدیک و بلدیه‌نی اصفهانین سیپاهان تیمی قارشی‌سیندا آلقیشلاییردیق. ایکی بیره اوتوزدوق، آنجاق اویونون سونوندا نرده‌لر دالیندان سیروس دین‌محمدی بیزدن تشکور ائله‌دی!


ایللر دولانیب گلیب گئچیب، ایندی تیراختور بیر کیملیک سیمگه‌سی‌نه(سمبولونا) چئویریلمیشدیر. اولابیلر آزربایجانین اوستون لیگ‌ده سککیز ایل تیم‌سیزلیک طیلیسمینی، تیراختوردان قاباق بلدیه سیندیرسایدی، بلدیه تیراختوردان‌دا قیزغین آلقیشلانایدی. بونو هئچ کیسمه دئیه‌بیلمز. آما گرچک(حقیقت) بودور تیراختور دونیانین هر بیر بوجاغیندا یاشایان آزربایجانلیلار یاشامی‌نین بیر آیریلماز بؤلومو اولوب. دیلمیز کیمی، کولتوروموز کیمی، دینیمیز کیمی، کیملیگیمیز کیمی و وارلیغیمیز کیمی...

بو آرادا تیراختور نه قدر ده اؤز کولتورل وارلیقلاری‌نی قوروماق ایچین، دیک و صلابتلی دوروب، کیملیکلرینی ساتان تورک اولدوزلاری‌نی بیر گئجه‌ده سؤندورسه‌ده، هئچ ده ایرقچی دوشونجه‌لر ایله آراسی یوخ‌دور! چونکو دیلانلاری ایان ی، کیملیگیمیز کیمی و وارلیغیمیز کیمی... ندیرسایدی، بلدیه تیراختوردان تیراختورون اویونچولاری و دولاندیلانلاری‌نین یاری‌سیندان چوخو هئچ تورک دئییللر! و ماراقلی‌‌دیر کی ان چوخ سئویلن اویونچولاری‌دا آزربایجانلی‌ دئییل‌لر.

مشروطه زامانی باسکئرویل اؤزگه‌لیک‌دن چیخسایدی، بوگونلر عیراقلی کرار جاسیم اونون یئرینی توتوب و آزربایجان تاریخینده بیر اونودولماز شخص اولماغا  ساری آددیملاییر. و ها بئله آندرانیک، کیانی، علیزاده، ترشیز و باشقا اویونچولار سانکی اؤز شهرلری و یوردلاری‌ایچین غئیرت گؤسته‌ریلر. قول ووروب مئیدان قیراغیندا آزربایجان رقصی ائتمکلری، اونلارین تکجه پول و فوتبول‌اوچون فیکر ائتمه‌مکلرینی آچیقجا گؤسته‌ریر. کمالوندین سؤزونه گؤره، امارات تیملری، کرار جاسیمه تیراختورون وئردیگیندن اوچ قات داها آرتیق پول وئریرلر، آما او تورکلرین آراسیندا غریب‌لیک دویغوسو یوخدور.

اونلار بیر باریش سئون خالقین ایچینده اویناییب آدلانیب اولدوز اولماغا افتخار ائله‌ییرلر. اونلار اؤز کیملیکلرینه گووه‌نه‌رک، آزربایجانین باریش و کولتور ائلچی‌لری اولوبلار. بو دا قالسین کی مرتضی اسدی و مصطفی اکرامی کیمی اویونچولار آزربایجان‌دا بؤیومه‌یه‌میشلر، آنجاق اؤز تورک کؤکلرینه گؤره تیراختورون قوللوغوندا اولماق ایچین افتخار ائتمکلرینی نئچه دفه وورغولاییبلار(تاکید ائله‌ییبلر).

***

قاییداق تبریز دئربی‌سینه. تاماشاچیلارین سایی‌سی تکجه اون-اون بئش مین‌نفردن چوخ اولماماغی، دئربی‌ده آذربایجان تیملری‌نین فرق ائله‌مه‌یینه گؤره اولسایدی‌دا، بلدیه‌نین اوتوزماغیندا کی شنلیک و سئوینجه قاتیلماماغا گؤره اولابیلرمیش! اویون تیراختورون الینده ایدی و بلدیه‌ده یاخشی دیفاع ائدیردی. تیراختور سالدیریردی ، بلدیه‌ده ساوونوردو. تیراختورو آلقیشلایانلار یئنی بیر ایش‌ده بلدیه‌نین سایقیسینا گؤره بیر شوعاری  ده‌ییشیب دئییردیلر: "تیراختور حمله ائله، بیز آسیا ایستیریک"! بلدیه‌نی آلقیشلاماق سسی گلمیردی. و بلدیه سون‌ دقیقه‌ده بیر پئنالتی وئریب اوتوزماقلا، اؤزو قاییتدی سون سیرالارا. تیراختور دا ایلک دؤنه اولاراق تئهرانین هر ایکی تیمینده بیرلیک‌ده گئچیب آسیا سهمیه‌سی آلماق شانسی‌نا یاخینلاشدی.

اویون‌دان سونرا یاییلان خبرلره گؤره بیر سایی تکجه تیراختورون آلقیشلانماغیندان اینجه‌میشلر. دوزون سؤزو حاقلی‌دیرلار. اؤرنک ایچین "حبیب گردانی" آدلی اویونچو دئییب کی " آدام اؤز شهرینده هویلانماق‌کیمی پیس شئی یوخدور"! بونو اوخویاندا چوخ راحاتسیز اولدوم. بس نه‌‌دن بو اویونچولار بو قدر اؤز دوغما یئرلرینده اؤزگه قالیبلار آخی؟! بونون نه‌دنی بلدیه‌نین سوروملولاری دا اولابیلرلر. اونلار بو اویونچولاری تانیتماییبلار و البته کسینلیکله اونلارین باشقا قوصورو بودور کی، نه‌یه بلدیه اویونچولارینا دوشوندورمه‌ییبلر کی تیراختور یانداشلاری‌نین اؤز دیلداشلارینی نه‌دن اولدوقجا آلقیشلاماییرلار. بو هویلاماق و فیشقیراق چالماق تیراختورون قوق یئمه‌مه‌یی ایچین ایمیش؛ بلدیه‌نی تحقیر ائتمک ایچین یوخ. تحقیر ائتمک بئله اولماز؛ سیزی هامی سئویر. مگر بو اویونچولار گؤرمه‌ییبلر کی حتی کرج‌ و تئهران‌ کیمی یئرلرده تک قالماییرلار؟ کئشگه حبیب گردانی بئله گرچکلری بیردن اونوتمایاردی. او یادیندا دئییل‌کی استقلال تیمی‌نین قارشی‌سیندا 50مین نفردن چوخ بلدیه‌نین دالیندا دورموشدولار؟ سایپایا کرج‌ده قول ووراندان قاباق "شهرداری حمله ائله، تیراختور قول ووروب" سؤزو ده یاددان چیخان دئییل! او بیر حرفه‌ای اویونچو دور؛ آما بونو بیزدن یاخشی بیلمه‌لی‌دیر:

آدام نه جور سالیر چیخیر گؤرور آزربایجان دئربی‌سی یا دئمک ائل یاریشیندا لاپ دوز ایش ائله تیراختورو آلقیشلاماق و "تیراختور حمله ائله، بیز آسیا ایستیروخ" دئمک ایمیش.

آزربایجانی آسیایا یئترمک یولوندا اوچ امتیاز تیراختورا گئتمک، ایکی تیم آراسیندا درده ده‌یمه‌یه‌ن ایکی امتیاز بؤلونمه‌سیندن چوخ یاخشی‌دیر. آزربایجانین بیر تیمی آسیایا یول تاپماسی، ایرانین سوپئرلیگینده ایکی‌دنه متوسط اولماسیندان چوخ ده‌یه‌رلی‌دیر. بونون آچیقلاماغی لازیم دئییل هئچ. اونلار ایلک اویونلاردا تاماشچیلاری قاچیرتماسایدیلار، ایندی بلدیه‌ده تیراختور کیمی یوخاری سیرالاردا ایدی و دئربی زامانی فرق ائله‌مزدی هانکی تیم اوتسون. بوندان آرتیق ایسته‌میرم بلدیه‌‌یه گؤره اولان پیس قونولاری اله‌شدیرم(انتقاد ائدم)؛ و البته بونو دا قبول ائدک کی هر کیمسه بلدیه اویونچوسو اولسایدی راحاتسیز اولاردی. بیر حاشیه‌لی اویون ایدی قورتاریب گئدیب، بوندان اویانا بلدیه اویونچولاری‌نین اورکلرینی اله گتیرمه‌لی‌ییک. گرک بوندان اویانا گؤزله‌یه‌ک باشقا علی دایی‌لار یارانماسینلار.

***

علی دایی یئنه ده تیراختورا توپلاندی

ایکی گون موننان اونجه دؤردونجو کانال‌دا علی دایی‌دا تئلفون باغلانتی‌سی ایله، صدر (فوتبول مفسری) و شریفی (انضباطی کمیته‌سی‌نین باشقانی)نین مناظره‌لرینه قاتیلیب، گئنه‌ده باشلادی تیراختور یانداشلاری‌نین علئیهینه دانیشماغا. ثابیت ائله‌دی چوخ عوقده‌سی وار. ائوی تیکیلن ال‌دن سالان دئییل سانکی. گئچن آی‌ تبریزده کی پیروزی-تیراختور یاریشین گئجه‌سی سهند تیلویزیونوندا دئییرمیش گلین گئچمیشلری اونوداق. منجه اونون بو سؤزو باعیث اولموشدو، ایستادیومون جوی علی دایی‌ و پیروزی ایچین بیر آز دؤزمه‌لی اولسون و تکجه بیر قول ایله اوتوزسونلار! آما ایندی خاطا اولوب، بئش اوتوزمادان سونرا بیر اویون اوتوب، ایسته‌ییر قاباغا دوشموش تیراختورا، دال‌دان داش‌ آتسین!

دوز دور دال‌دان آتیلان داش توپوغا ده‌یه‌ر، آنجاق بیز ده هوش باشیمیزی بیر یئره ییغمالی‌ییق. آچیقجا ایسته‌ییرلر یالان و موغالیطه‌لر ایله داش دیغیرلاتسینلار. تیراختورون آسیا سهمیه‌سی و حتی قهرمانلیغا ساری گئتمه‌سینه گؤره، هر حال‌دا بلدیه‌نین یاردیمی‌نا چوخ احتیاجیمیز واردیر. البته ایندی‌یه کیمی، بلدیه تیراختورا چوخ کؤمک‌لیک ائله‌ییب و انصاف‌سیزلیق‌دیر اونلارین نقشی‌نی ده‌یه‌رلی بیلمه‌یه‌ک.

اونلار لیگ باشلاناندا استقلال و میس کیمی تیملره اوچ امتیاز وئریب، و اونلاری تیراختوردان یوخاری‌یا ایته‌له‌سه‌لر ده، تیراختورون رقیبلری یانی آبادانین نفتی‌نی اوتوب، پیروزی و ذوب آهنه اوچ امتیاز وئرمه‌ییب و حتی تئهران‌دا استقلالین یاخاسین توتموشلار! بونلاری اونوتماماق لازیم. بو یاریم فصل‌ده، حمید درخشان بلدیه‌‌نی ده‌ییشیب و اوندا تحول یارادیب. بوتون تیملر تبریزده تیراختورا یئنیلسه‌لرده، بلدیه 94 دقیقه قاپی‌سی‌نی باغلی ساخلاییب. یانی بونلار، بوندان بئله هر یئره گئتسه‌لر یانداش‌سیز دا بؤیوک باشاریلار دا ال‌ده ائده‌بیلرلر. ایندی بیزیم بوینوموزا دیر بلدیه‌نین ده آرخاسیندا دوراق.

بو ایش باعیث اولار تیراختورون رقیبلری‌ امتیاز ال‌دن وئرسینلر؛ همی‌‌ده، بلدیه‌ لیگ‌ده قالار هئچ، حتی یوخاری و داها اویغون سیرالارا گئدر. بلدیه یئته‌نه‌یینی(استعدادین) و گوجونو اولدوقجا گؤسته‌رمیش‌دیر. گه‌له‌ن اویونلار دا داها اؤنملی‌دیرلر. استقلال تیمی‌نی کی تئهران‌دا دایاندیردی. تعطیل‌لردن سونرا کـیرمانین میسی تبریزده بلدیه‌یه اوتوزسا، تیراختوردان دالا دوشه‌جک. بلدیه تبریزده سیپاهان و اصفهان‌دا ذوب‌آهنین تورموزونودا چکه‌بیلر. بلدیه صبایا قوم‌دا دؤردونو ووران حال‌دا، صبادان دؤردونو یئمیش پیروزونو دا تئهران‌دا اوتابیلر. تئهران‌دا کی تیراختورچولاردا، تیراختورا خاطیر، بلدیه‌نی آلقیشلامالی‌دیرلار.

هادی یولداشلار! تیراختورون آسیایا گئتمک یولوندا، بلدیه‌نی‌ده تک بوراخمایین. بلدیه‌ده تیراختور کیمی آلقیشلانمالی‌دیر