یاشاسین تورک آسلان

علی دایی ایلک دؤنه تبریزده کریم باقیری‌ ایله بیرلیکده، غئیرتسیز ائشیدیب گیجه‌له‌ندن سونرا دئییردی:

گلیب کریم باقیری‌یا و مه دئییردیلر بئغئیرت! کریم باقیری‌نین هاراسی بئغیئیرت‌دیر؟ بو قدر آزربایجان فوتبولونا خیدمت ائدیب.

او باشقا یالان سؤزلر ده دئدی آما اونون آزربایجان فوتبولونا بو قدر خیدمت ائتمک سؤزونو آدام بیلمیردی نئجه اله‌شدیرسین؟ اولابیلر علی دایی‌ و کریم باقیری‌نین آزربایجانلی اولماقلاری بوتون آزربایجانلی گنجلره روحیه وئردی، آنجاق آزربایجانین فوتبولو ان آزی 15 ایل دالا قالدی. اردبیل‌ده علی دایی آدلی ایستادیوم تیکیلمه‌سیده دؤولت سرمایه‌سیندن قایناقلانیر و اولابیلر بو دا چوخ عئیبلی ایدی دونیانین ان چوخ میللی قول وورانین اؤز شهرینده بیر آبیرلی ایستادیوم اولماسین! اولابیلر علی‌دایی‌نین آزربایجان اؤزللیکله اردبیلین فوتبولونا ائتدیگی خیدمتی، کریم انصاری‌فرد کیمی بیر یئته‌نه‌یی(استعدادی) تاپیب آدلیم ائتمک ایدی (یالان دوزونو بیلمیرم). آنجاق منجه بئله ایش آزربایجانین فوتبولونا قوللوق ائتمک یوخ، بلکه ائله بیر گنجه شخصی یاردیم ائتمک دیر. بو ایشی او زمان خیدمت آدلاندیرماق اولارکی آزربایجاندا یاشاماق حاد و اساسی بیر چتینلیک اورتادا اولسون. اؤرنک(مثال) ایچین ائله‌بیل جنگ زامانیندا آبادانا حمله اولوب و آبادانین جنگی موهاجیرلری اویان - بویان‌دا آوارا اولاندا بیر تئهراندا یاشایان آبادانلی اونلارا تئهراندا کؤمک ائلیه "پیشرفت" ائتسینلر! البته یازیقلار اولسون تورکلرین سؤنموش اولدوزلاری هله فیکر ائدیرلر پارلاماق تکجه تئهران‌دا مومکون اولابیلر. آنجاق تانری‌یا شوکورلر اولسون کی آزربایجان خالقی اویانیب و تیراختورو بیر دوروما گتیریب حتی تورک اولمایان اویونچولار دا ایلک دؤنه یا ایکینجی‌ دؤنه ایشیقلاندیریب پارلادیر: ایلک دؤنه پارلایانلارین اؤرنه‌یی کرار جاسیم، محمدحسن ابراهیمی، مئهدی کیانی، و مرتضی اسدی و بیر داها پارلایانلارین آراسیندا دا علیزاده‌نی آدلاندیرماق اولار.

کریم انصاری‌فردین نئجه دوشونمه‌ییندن خبریمیز یوخدور. او بیر استثنایی قول وورماقلا اؤز گله‌جه‌یی‌نی آوروپادا گؤسته‌ردی و بو چوخ سئویندیرجی‌ اولاجاق؛ آما حئییف اولسون کی آدام اؤزونو بیر گنج اولدوزون یئرینه قویاندا گؤرور آوروپا کلوبلاریندا اویناماق تیراختوردا اویناماقدان چوخ قازانجلی‌دیر! آنجاق اونون قول وورماغی و آدی‌نین دیللره دوشمه‌سی تورکلره چوخ خئییرلی اولدو. چونکو ایندی‌کی میللی ییغمادا بللی بیر تورک اویونچو تاپماق اولماییردی و باشقا یاندان، اویونچولاری داشییان اوتوبوسون اوستونده "فارس شاهزاده‌لری" یازیلمیشدی و تیلویزیونداکی آپاریجیلاردا های بو شوعاری تبلیغ ائدیردیلر. ایکینجی کریم و ایکینجی دایی، ائله پارلادی کی، هم گونون گؤروتو و هم‌ده گونون یوروملاری، شاهزاده‌لر اونودولماسی و بیر تورک آسلانی‌نین سالدیرماسینا گؤره ایدی:

بو ده بیز یایمایان گونون یوروملاری:

ی. س:

یوخاری‌دا یوروملارا یوروم وئرمک لازیم دئییل! آما بیر یورومدا یازیلیب :"واللاه آزربایجان بؤیوک فارس تورپاقلارینین‌دیر! لوطفن گرگینلیک یاراتمایین"!
اینتئرنئتین یاخشیلیغی بودور کی ائله یوروملایانلار  جاواب وئریب دئمک اولار: سن اؤزون گرگینلیک یاراتماسان، کیمسه گرگیننلیگ یاراتماز! سن نئجه اردبیل، اورمو، رنگان و تبریزی وئریرسن شیراز اوستانداری‌سینا!؟

* - یوروم: نظر
گؤروت: عکس

=======

یازار: آیدین ک

anayurdumla.blogspot.com