الی بایراق توتان ایستادیوما گلسین

الی بایراق توتان ایستادیوما گلسین

چون ایچیمده بیر حیس وار ...

یئنه هیجان جانیمیزی بورویوب . نفس لریمیزی توتموشوق .... یکشنبه گونو ایستیقلالا ، گلن هفته ایسه سیپاهان ایله کئچیریله جک اویونلارین قایغی سی وار ایچیمیزده .

آذربایجان فوتبول سئورلری هر ایکی گوروشو صبیرسیزلیک له گوزله ییر . تیراختور سئورلر یئنی اوغورلارین ، اوزونوسئورلر ایسه اوغورسوزلوق لارین سئوینجینه قاپیلماق اوچون گونلری و ساهات لاری ساییر ...

ایچیمده قریبه بیر حیس وار ...

سانکی بو دفعه ده ییغما تاخیمیمز چوخلارینی اوتاندیراجاق ....


قایناق: Traxtorchi.ir                                                                                                                                     یازان: قافلان

---

لاپ ائله ایستیقلال ایله آزادی ده اویونوندا کی کیمی ... تراختورچولار آزادی ده چوخلارینی سوسدوردو .... اما بو بویوک ظفر غلبه یه کولگه سالماق ایستیردیلر ؛ فردوسی پورلار و قازه ته لر اویون بیتندن سونرا سفه فیکیرلر و آتدیلار اورتایا...

ایچیمده قریبه بیر حیس وار...

یئنه بیر قوروپ معنوی حیس لردن محروم اولان اینسان تاخیمین نوماییش ائتدیردیی اویونون مضمونوندان آسیلی اولمایاجاق ، تیراختور ییغماسینین سئون آزارکشلری بو دفعه داها چوخ اولاجاق ایستادیوم دا ... یازیلاجاق تاریخ ده یئرآلماق ، گله جک ده اویونه - اویونه : « او اویوندا من ده وارایدیم » دئیه بیلمک اوچون ....

ایچیمده قریبه بیر حیس وار...

آرتیق بیر شکیل ده گوزونو قیردیغیمیز هر ایکی رقیب بروز وئرمه سه ده ، چکینیر .... چونکی اونلارین سورپریز ، بیزیم ایسه تیراختورچولارین آلقیشلاماسین دان قورخورلار ... ان چتینی ایستیقلال-ی سهند ایستادیوموندا له ائدمک دی و ... اوندان سونرا سیپاهان-ی ایصفهاندا گوزو بیردفعه قیریلاجاق....

ایچیمده بیر حیس وار ....

فراز کمالوندین تاخیمی ایستیقلالی و پیروزی نی قاباخلایاجاق .... ییغمامیز تاریخی عرضینده سوپر لیگین ایلک یاریسینین ان چوخ خالینی ( ایمتیاز توپلامی ) بو ایکی اویوندا آکتیوینی زنگینله شدیرمه کله قازاناجاق ....

چوخلارینا توتارلی جاواب اولاجاق ... تاریخ یازیلاجاق ...

ایچیمده بیر حیس وار ...

بو دفعه فوتبولچوموز همیاشیدی اولان « اولدوز» رقیبیندن فرم-ا آلماق اوچون آردینجا قاچمایاجاق... بو دفعه اوز فرماسینی ایمضالایب اونو سئون آزارکشلرینه باغیشلایاجاق ...

ایچیمده امین بیر حیس وار ...

من ده تیراختورچی آدیندان بو یازینی یازدیم و ایمضا (لاری) آتیب سیزه تحویل وئریرم .... ایندی « توپ » سیزده دیر، مشقچی لی ، فوتبولچولو ، ییغما عضولری .... بویورون ، او ایمضا(لار) اوچون نه لر ائده بیله جئینیزی گوسترین !