محصولات

من تیراختورچی ام - اخبار باشگاه تیراختور و دیگر تیمهای آزریایجان
X
تبلیغات
رایتل

اخبار باشگاه تیراختور و دیگر تیمهای آزریایجان

این وبلاگ صرفا یک وبلاگ خبری جهت اطلاع رسانی است

پنج‌شنبه 1 اردیبهشت‌ماه سال 1390 ساعت 10:44 ق.ظ

من تیراختورچی ام



Traxtorchi.ir- Kurtoglu؛ ایللر بویو سسلیزلیک و قارانلیق دا حیات گئچیردن بیر ایل یئنی دن اویانیپ، اوز کیملیگین آختارماغا باشلامیشدیر؛ آنجاق بو «ایغما» دا اولان ائلین دامارلارینا یئنی دن قان گلمه سینین باشقا بیر سببی اولموشدور.


ایللر بویونجا ایچینده ساخلانمیش اود، ایندی سه دایانماقا بیر یئر تاپا بیلمه ماغی دوشونورموش، آنجاق بو اودی بو کره، دده قورقودون قوپوزی و بابکین قانی یوخ، بلکه ده تیراختور آدلی بیر کیملیک یاخمیشدیر. بو بیر یئنی کیملیک گوسترجیسی کیمی،  بیزیم ائلیمیزین اوز اوشاغی کیمی ایندی دونیادا سس سالماق اوچون و یورومیی دوزگون اویرنماق اوچون، یالنیز 4 آددیمنیخ دستک گوزلییر.

آزربایجان ائلینین شرف و غیرت دولو تاریخینین دامغاسینی ووران تیراختور، ایندی سه بیزیم ایچیمیزده، یئنی دوغولان «کوراوغلو» اولموشدور و بو میللتی «پاشا» لارین زولمونون آلتیندا یاشاماق دان گورتارماغا اولوس دان دا یاردیم ایسته ملی میش.

بیر ایل لیگاسی بویوندا بوتون اللرینده اولانلارلا بیزیم کیملیکین چئوریلمه و دیرچلمه سی نه قارشی دورماغا چالیشدیلار. اللریندن گلن قدر آزربایجانین عزیز بالاسینین قارشی سیندا دووار یاراددیلار. یاردیمجیلاریلا دوشوک بیر سویه ده داوراندیلار، و دئملی هر طرفدن بیر بالتا گوتوروپ بو تازا آیاق آچمیش اوشاقین ال – آیاغینی کسمگی دوشوندولر.


عزیز یاردیمجی، ایندی سه بوتونلوک ده، دونیا سنین اللرینده دیر. ایندی سه بو اوشاقین یالنیز 4 آددیمنیخ دستک ائتسن، سنین دونیادا اولان اولدوز کیمی پارلاق و آیدین اولان کیملیگین یئنی دن سس سالاجاق.

عزیز یولداشیم، جوما گونی 18 چاغیندا قزوین ده، بیرلیکده و یالنیز بیرلیکده بیزیم له بیر یرده، تیراختوروا دستک اولما، تیراختور سن اوزون سن و من اوزوم.

تیراختور ایندی بیر فلسفه دیر،  بیر فیکیردیر،  بیر تاریخدیر، تیراختور منم، تیراختور سن سن، تیراختور بیزیم اولو بابالاریمیزدیر، تیراختور ستارخان و بابکین آدینی داشیر، تیراختورون اوستونده مقدس بیر آد واریمیش: آزربایجان


عزیز یاردیمجی

قزوینده بیرلیکده اولماقا ایمکان یاراد. تاریخه بیر داها قوشولماغین واقتی گلیب، بیزی تک قویما.

گونش سونمز
داغ اگیلمز
تیراختورچی دونمز
گرکدی سسلنسین بیزیم ایفتیخارلی آدیمیز.


سن آزربایجان سویله، نچون آذر به جان اولدون
اونوتدون اوز درین دردین، آلان اولدون
چتین گونلرده ایرانین بلاسیندا، یانان اولدون
وئریب ائولادینی، اوزون  یالقیز قالان اولدون


یاشیل یوردوم باهار ایکن، نه دن سولدون خزان اولدون
گئچن یوز ایلده یوزلر یول دویوشدون، مین یارا گوردون


دایاندین، سینمادین، دوزدون، وفا ائتدین، جفا گوردون
کیمین چکدین بلاسین سن، همان یئردن بلا گوردون
سویولدون، پای بولوش اولدون، یاد اللرده تالان اولدون
سن آزربایجان سویله نه دن آذر به جان اولدون؟
داغ کن - کلوب دات کام

رتبه سنج گوگل